Har qanday milliy til kabi o’zbek tili ham o’zbek millatini birlashtiruvchi, uning milliy ruhini ifodalovchi vositadir. Badiiy adabiyot tilini o’rganish va tahlil qilishning ham nazariy, ham amaliy masalalari ko’pdan buyon filologlarni qiziqtirib keladi. Badiiy asar tilini o’rganishda milliy badiiy adabiyot tilining ahamiyati kattadir. Ijodkorning so’z boyligidan o’ziga xos tarzda foydalanishi, morfologik shakllar va sintaktik qurilmalarni tanlashi va boshqa jihatlarida yozuvchining individual uslubi ham muhimdir.