Ertaklarning badiiy asar darajasiga etishi va avloddan-avlodga o'tib kelishida nomlari bizga noma‟lum bo'lgan yuzlab xalq ertakchilarining xizmatlari katta bo'lgan. Darhaqikat, “Ming bir kecha” ertaklarining muallifi ham oddiy xalq vakillari. Ularning sa‟y-harakatlari bo'lmaganida, bunday jahonshumul asar dunyo yuzini ko'rmagan, ming yillardan buyon dunyo xalqlari bu noyob durdonadan bebahra qolishi muqarrar edi. Folklorshunos o'zbek olimi J.Yusupov har bir ertakchilik maktabi o'zining ijtimoiy-estetik prinsiplariga asoslanganini ta‟kidlab o'tarkan, ertaklarning ijro usuli, syujet tarkibi, motivlar tuzilishining o'ziga xosligiga ko'ra ularni geografik hududiy tiplarga bo'lib o'rganish kerakligini uqtiradi