Maqolada zamonaviy o‘zbek she’riyatidagi tong obrazi poetik tafakkur, ruhiy kechinma va tabiat manzaralari bilan uyg‘un holda tahlil qilinadi. She’riyatda tong faqatgina vaqt birligi sifatida emas, balki ma’naviy uyg‘onish, umid, yangilanish, ichki halovat va ruhiy tozalanish timsoli sifatida gavdalanadi. Tahlil jarayonida tong manzarasining shoir obrazlar sistemasidagi o‘rni, uning shaxsiy kechinmalar bilan qanday bog‘lanishi, shuningdek, tong va tun, yorug‘lik va zulmat kabi qarama-qarshi obrazlarning ma’no kasbi ochib beriladi. Maqolada asosan tong obrazining metaforik va ramziy darajadagi yondoshuvlari, uning lirik qahramon ruhiy olami bilan uzviy bog‘liqligi tadqiq qilinadi.