Xalq og‘zaki ijodi (folklor) – bu xalqning asrlar davomida yaratib kelgan, og‘izdan-og‘izga ko‘chib, avloddan-avlodga meros bo‘lib kelayotgan badiiy ijod namunalari majmuasidir. U xalqning dunyoqarashi, turmush tarzi, urf-odati, axloqiy qarashlari va orzu-umidlarini o‘zida mujassam etadi. Xalq og‘zaki ijodi insoniyat madaniyatining eng qadimiy qatlamlaridan biri bo‘lib, yozma adabiyot vujudga kelishidan ancha ilgari shakllangan.