Makroiqtisodiyotda turli maqsadlarga yo‘naltirilgan ko‘plab ko‘rsatkichlardan farqlaniladi (yalpi milliy mahsulot, yalpi ichki mahsulot, milliy daromad va boshqalar). Ular orasida eng asosiysi bo‘lib, yalpi ichki mahsulot (YAIM) ko‘rsatkichi hisoblanadi. YAIM –bu xalq xo‘jaligi bo‘yicha iqtisodiy faoliyatni yakuniy ko‘rsatkichlarini ifodolovchi umumiy ko‘rsatkichdir. YAIM bir-biri bilan mustahkam bog‘langan iqtisodiy jarayon oqimlarini:Moddiy ne’matlar ishlab chiqarish va xizmatlar ko‘rsatish, daromadlarni taqsimlash, moddiy ne’mat va xizmatlardan pirovard foydalanishni o‘rganishda keng qo‘llaniladi. YAIM- bu barcha xo‘jalik birliklari bo‘yicha: moddiy ishlab chiqarish sohasidan korxonalar, tashkilotlar va muassasalarni, xizmat ko‘rsatish sohasini, shuningdek aholini shaxsiy yordamchi xo‘jaliklarini, yakka tartibdagi mehnat faoliyatini iqtisodiy natdjalarini o‘z ichiga oladi.