"Yoz yomg’iri" qissasi juda ham ta’sirli asarlardan biri hisoblanadi, bunda bo’lib o’tgan voqealar insonda juda katta qiziqish va turli hissiyotlarni uyg’otadi. Qissadagi jinoyatni fosh qilishda bo’lgan harakatlar va turli xil usullar orqali jinoyatchini aniqlash uchun olib borilgan jarayonlar insonning dunyo qarashiga albatta ta’sir ko’rsatmay qolmaydi. Bunda xotini Munisxonning o’ldirilganini eshitgan Rahimning hissiyotlari va o’zini ayblab qiynalishlari ham juda ta’sirlidir. Shu qatorda aytish mumkinki, militsiya xodimlarining harakatlari, ayniqsa kapitan Sobir Aliyev hatto o’zining oilasiga ajratmoqchi bo’lgan vaqtini ham ishi uchun sarflab bor kuchi bilan jinoyatni fosh qilishga harakatlari uning ishiga bo’lgan sadoqati bu qissani o’qigan o’quvchiga ham ta’sir qilishi aniq.