Bugungi kunda raqamli texnologiyalar hayotimizning deyarli barcha jabhalariga kirib kelgan. Axborot almashinuvi va saqlash jarayonlarining jadal rivojlanishi ma'lumotlarni himoya qilish masalasini dolzarb qilmoqda. Shaxsiy ma'lumotlar, davlat sirlarini saqlash, moliyaviy tranzaksiyalarni xavfsiz amalga oshirish va hatto harbiy maqsadlarda ma'lumotlar oqimini boshqarish uchun samarali himoya tizimlari zarurdir. Shu nuqtai nazardan, kriptografiya axborot xavfsizligini ta'minlashning asosiy vositalaridan biri sifatida maydonga chiqadi.