Abdulla Qodiriy yangi davr oʻzbek adabiyotining asoschilaridan biri, oʻzbek milliy romanchilik maktabining tamal toshini qoʻygan buyuk adibdir. U 1894-yil 10-aprelda Toshkentda tugʻilgan. Qodiriyning ijodi 1913–1914-yillarda boshlandi. U shu yillari barcha ilgʻor fikrli yoshlar qatori jadidchilik harakatiga qoʻshilgan va oʻzining ilk asarlarida maʼrifat, millat taraqqiyoti va hurligi gʻoyalarini targʻib eta boshlagan.