Kompozitsiya badiiy asar qismlarini yaxlit badiiy niyat (muayyan konsepsiyani shakllantirish va ifodalash, ko‘zlangan g‘oyaviy-estetik ta’sir) ijrosi uchun eng optimal holda joylashtirish, badiiy sistema (asar)dagi unsurlarni o‘zaro aloqa va munosabatlari ravshan anglashiladigan tarzda butunlikka biriktirish. Kompozitsiya asar unsurlarini eng qulay tarzda uyushtirish prinsiplarini o‘rganish va ularni badiiy shaklning muayyan niyatini amalga oshirish uchun eng to‘g‘ri ko‘rinishda joylashtirishning ahamiyatini ta’lim etadi.