Koʻchirma gaplar soʻzlashuv va badiiy uslublarda koʻp ishlatiladi. Koʻchirilgan gap muallif gapidan avval, undan keyin, uning ichida, uning ikki tomonida kelishi mumkin. Koʻchirma gapda ikki xil gap boʻladi: koʻchirilgan gap va muallif gapi. Ikkalasi birgalikda koʻchirma gapli qoʻshma gapni hosil qiladi. Muallif gapining kesimi dedi, deb soʻradi, deb javob berdi, gapirdi, soʻzladi, aytdi kabi fe’llar bilan ifodalandi. Koʻchirilgan gap qoʻshtirnoq ichiga olinadi, badiiy asarlarda tire bilan ajratib beriladi.