Sin harfi o‘zbek tilidagi «s» undosh tovushini ifodalaydi. Uning shakli ikki unsurdan iborat. Birinchi ikki tishli qismi satr chizig‘i ustida, ikkinchi nun harfiga o‘xshash shakli satr chizig‘idan pastga tushirib yoziladi. Shin harfi o‘zbek tilidagi «sh» undosh tovushini ifodalaydi. Yozilish shakli sin harfi bilan bir xil. Faqat ustiga uch nuqta qo‘yilishi bilan farqlanadi. Sin, shin harflari uncha katta bo‘lmagan tishlarning bir-biriga ulanishi, alohida ko‘rinishda esa tishlardan so‘ng nunga o‘xshash katta aylana bilan tugaydi.