Chastotaviy rostlanadigan elektr yuritmalarning asosiy kamchiligi nisbatan murakkab sxemalarga ega bo’lgan chastota o’zgartkichlarni qo’llash zarurligidir. Elektr yuritmalarda turli ko’rinishdagi o’zgartkichlar ishlatiladi, ularni ikki guru’ga bo’lish mumkin: elektr mashinali va ventilli. Elektr mashinali CHO’, odatda u ikki mashinali agregatlardan iborat bo’ladi. Rostlanadigan AD, sinxron generatorli o’zgartkichdan quvvat oladigan sxemada, CHO’ ikki qismdan iborat bo’ladi: o’zgarmas tezlik agregati (AD va dvigatel harakatga keltiradigan o’zgarmas tok generatori) hamda o’zgaruvchan tezlik agregatidan (o’zgaruvchan chastotali sinxron generatorini aylantiradigan rostlanadigan o’zgarmas tok dvigateli) iborat bo’ladi. Bu o’zgartkichlar bir qator kamchiliklarga ega, ulardan asosiylari - f.i.k. ning kamligi (energiyani to’rt karra o’zgartirish oqibatida), sershovqinligi va inertsiyaliligidir. Hozirgi vaqtda ventilli chastota o’zgartkichlar keng tarqalgan. SHunday o’zgartiruvchi qurilmasi rostlanadigan chastota o’zgartkich bo’lgan ventilli o’zgaruvchan tok elektr yuritmasi «chastota o’zgartkich - asinxron dvigatel» (CHO’-AD) tizimi deb ataladi.