Elastik toʻlqinlar elastik muhitda tarqaladigan mexanik tebranishlar. To'lqinlar tarqalayotgan muhitning zarralari to'lqinlar bilan birga ko'chmaydi, ular faqat o'z muvozanat holatlari atrofida tebranib turadi. Elastik to'lqinlarning bo'ylama va ko'ndalang xillari bor. Bo'ylama elastik to'lqinlarda muhitning zarralari to'lqinlar tarqalayotgan yo'nalishi bo'ylab, ko'ndalang elastik to'lqinlarda esa tarqalayotgan yo'nalishga perpendikulyar yo'nalishda tebranadi. Mexanik ko'ndalang to'lqinlar faqat siljish qarshiligiga ega muhitda hosil bo'lishi mumkin. Suyuq va gaz holatdagi muhitlarda faqat bo'ylama to'lqinlar; qattiq muhitda ham bo'ylama, ham ko'ndalang to'lqinlar vujudga keladi. Elastik to'lqinlar elastik muhit zarralarining tebranish amplitudasi va chastotasi, to'lqin uzunligi, faza hamda guruh tezliklari va boshqalar bilan ifodalanadi. Elastik to'lqinlar chastotasi Gs ulushlaridan 1013Gi gacha bo'ladi.