Деталларнинг ташқи юзасини тоблашдан мақсад юза қаттиқлигини ошириш ва маълум бир қалинликда детал юзасида қаттиқлик даражаси юқори бўлган қатлам ҳосил қилишдир. Деталнинг ишлатилиш шарт – шароитидан келиб чиқкан ҳолда тоблаш қатлами қалинлиги Zқ танланади. Юзаси сидириладиган иш режимида ишлайдиган деталлар учун Zқ = 2 – 3 мм ва юзаси сидирилишдан ташқари шунингдек эзиладиган деталлар учун Zқ = 4 – 5 мм қилиб танланади. Одатда тобланадиган қатлам қалинлиги Zқ = (0,007 – 0,15) d0 ифода Билан аниқланади ва бу ерда d0 – деталнинг диаметри ёки қалинлиги.