Fizik signallar (elektr, optik, radio toʻlqinlar) koʻrinishidagi ma’lumotlarni uzatish jarayoni uzatish muhitiga qarab har xil shaklda amalga oshiriladi. Yuqori sifatli uzatishni ta'minlash uchun birlamchi signallarni uzluksiz yoki diskret shaklida ifodalangan ma’lumotlarga, aloqa liniyasi orqali uzatiladigan signallarni chiziqli fizik signallarga (uzluksiz yoki diskret) aylantirishning turli usullari qoʻllaniladi. Aloqa kanallari orqali yuqori sifatli uzatish maqsadida uzluksiz signallarni konvertatsiya qilish va ularni fizik signallar koʻrinishida namoyish qilish jarayoni modulyatsiya deb ataladi.