Tebratma-dastgoh elektrodvigatelining aylanma harakatini nasos shtangalar birikmasining va nasos plunjerining irg‘alma qaytish harakatiga aylantiradi va shtangalar osmasi bilan plunjer ustki qismidagi suyuqlik ustunini og‘irligiga bardosh berib suyuqlikni tashqariga chiqarish uchun xizmat qiladi. GOST 5866-76 ga asosan tebratma-dastgohlar markalari quyidagicha shartli belgilanadi: SK2-0,6-250-bu erda SK-stanok kachalka (tebratma-dastgoh); 2-tebratma-dastgohning ustki shtokiga tushadigan maksimal zo‘rlanish 20 kN; 0,6-ustki (silliq) shtokning maksimal harakatlanishi (yurish uzunligi); 250-reduktorning harakatlanuvchi validagi aylanish momenti 2,5 kN m dan oshmasligi kerak. O‘zimizda reduktorli tebratma-dastgohning bir necha turi ishlatiladi. Reduktorli tebratma-dastgohning tuzilishi: 1.Hamma qurilmalar yopiq ikki pog‘onali reduktorga ega bo‘ladi. 2.Har qanday holatda reduktorni to‘xtatish uchun ikki kolodkali tormoz bilan jihozlanadi. 3. Dvigateldan reduktorga harakat tasma orqali uzatiladi. 4. Qurilmalarning barchasida kanatdan foydalanilgan.