Iqtisodiy taraqqiyotni ifodalovchi asosiy me’zonlardan biri iqtisodiy o‘sishdir. Iqtisodiy o‘sish milliy iqtisodiyotning rivojlanish harakatini ko‘rsatadi va shu sababli ma’lum bir davr oralig‘idagi makroiqtisodiy ko‘rsatkichlarini (YaIM, SIM va MD) taqqoslash yo‘li bilan o‘lchanadi. Iqtisodiy o‘sish ikki usul bilan o‘lchanadi: Real yalpi ichki mahsulot hajmining o‘tgan davrga nisbatan o‘zgarishi (o‘sishi) ni hisoblash; Aholi jon boshiga to‘g‘ri keladigan real YaIM hajmining o‘sishini hisoblash.