“O‘zsanoatqurilishmateriallari” uyushmasi va Farg‘ona viloyati hokimligi hamkorligida yangi sement zavodining birinchi bosqich loyihasi ishga tushirildi. Farg‘ona Yasin qurilish mollari O‘zbekiston-Xitoy qo‘shma korxonasi tomonidan amalga oshirilgan loyihaning umumiy qiymati 200 mln. AQSh dollarini tashkil etadi. Uskunalar zamonaviy, energiya tejamkor bo‘lib, Xitoy Xalq Respublikasidan keltirilgan. Tantanali marosimda viloyat hokimi Shuhrat G‘aniyev, mutasaddi tashkilot vakillari va keng jamoatchilik ishtirok etdi.