To‘lov balansi mamlakatning iqtisodiy aloqalarini aniq, lo‘nda ifodalab pul-kredit, valyuta, budjet-soliq, xalqaro savdo siyosatining hamda davlat qarzini boshqarish yo‘nalishlarini tanlash uchun indikator vazifasini bajaradi. Mamlakatning ma’lum vaqtdagi barcha xalqaro iqtisodiy faoliyati, shu jumladan, tashqi savdo, kapital va ishchi kuchi migratsiyasi ham to‘lov balansida o‘z aksini topadi. To‘lov balansida tushumlar, import va eksportlar, valyuta operatsiyalari hamda xorijiy tovarlar va xizmatlar uchun to‘lovlar ko‘rsatiladi.