"Didaktika" atamasini nemis pedagogi Volfgang Ratke (1571-1635) fanga kiritgan bo’lib, ilk bor ushbu so’z uning «Didaktika yoki ta’lim san’ati» (1613-yil) deb nomlangan ma’ruzasida qo‘llanilgan. Didaktikaning fundamental ilmiy asoslari ilk bor Ya.A.Komenskiy tomonidan ishlab chiqilgan. 1657-yilda u chex tilida «Buyuk didaktika» asarini yozdi. Didaktikani Komenskiy «hammani hamma narsaga o‘rgatish san’ati» deb tushuntirgan.