Elektronika va avtomatika fakultetida "Qanday qilib muvaffaqiyatli inson boʻlish va stresslarga qarshi kurashish mumkin?" mavzusida o‘tkazilgan psixologik trening. Seminar-trening davomida viloyatdagi "Yuksalish" nodavlat notijorat tashkiloti psixologi Shahnoza Rajabova o‘qish va mehnat faoliyatida yuqori koʻrsatkichlarga erishish omillari haqida tushuncha berdi. Bunga erishish uchun dangasalikni yo‘qotishda xohish hamda qo‘rquv tuyg‘ularining ahamiyati tilga olindi. Insonning kamolotga erishishida, uning jamiyatda o‘z o‘rnini topishida, insonlar bilan o‘zaro munosabatlarda ziddiyatli holatlarning yuzaga kelmasligiga ijobiy ta‘sir etishi hayotiy misollar bilan tushuntirildi. Suhbat yakunida talabalarga kayfiyat ulashish maqsadida psixologik mashg‘ulotlar o‘tkazildi.