Bino yoki inshootlar qurilish konstruksiyalari va buyumlaridan, ommaviy qurilishda mayda elementlar (g‘isht, mayda bloklar), yirik elementlar (yirik blok, yirik panel, hajmiy bloklar)dan, quyma monolit betondan ishlangan konstruktiv elementlardan va yog‘och materiallardan tashkil topadi. Qurilish ishlari jarayonida o‘zaro bog‘langan konstruktiv elementlardan tuzilgan va binolarning turli vazifalariga mo‘ljallangan konstruktiv qismlari (bino karkasi, tom, yopma, poydevor va shunga o‘xshash qurilmaviy qismlari) qurilish konstruksiyalari deb ataladi. Qurilish buyumlari esa qurilish konstruksiyalarining binodagi o‘rnidan boshqa yerda tayyorlangan elementlaridir.