Eneolit davri umumiy tavsifi. Eneolit - (“eneus” - mis, “litos”-tosh) – mis-tosh davri mil. avv. VI ming yillik yillikning boshlari - III ming yillikning boshlari bilan sanalanadi. Bu davrga nisbatan xalkolit (xalko-mis) atamasi ham ishlatiladi. Misning erish xususiyati tosh uchun mutlaqo mumkin bo‘lmagan murakkab shakllarga kirish imkoniyatini yaratadi. Misni eritish va quyish usullar paydo bo‘lgandan so‘ng turli vazifalarni bajarishga mo‘ljallangan yangi turdagi qurollar ko‘payadi. Murakkab shaklga ega o‘tkir tig‘li yangi ish qurollari mehnat unumdorligi, ish samaradorligi va sifatining keskin o‘sishiga olib kelgan. Bu jarayon dehqonchilik, hunarmandchilik, meʼmorchilik va boshqa sohalarda yaqqol namayon bo‘ladi. O‘tkir tig‘li ish qurolidan foydalanish natijasida sug‘orma dehqonchilik xo‘jaligi yanada rivojlanib, ishlab chiqarish samaradorligi bir necha barobari o‘sishini taʼminlaydi. Bu o‘z navbatida oziq-ovqat mahsulotlari ishlab chiqarish hajmining oshishiga olib kelgan. Ortiqcha isteʼmol mahsulotlarining to‘planib borishi aholi o‘rtasida mulkiy tengsizlik va ijtimoiy tabaqalanishni keltirib chiqargan edi. Yer yuzining janubiy subtropik mintaqalarining yog‘ingarchilik mig‘dori past bo‘lgan issiq iqlimli sharoiti agrar ishlab chiqarishining yangi shakli-sug‘orma dehqonchilikga o‘tishga saba