Bahorda ekilgan ildizmevalar iyun–iyul oylarida, ildizmevasi shu navning o‘ziga xos kattalikka yetganida kavlanadi. Yozda ekilgan ildizmevalar noyabr oyida sovuq tushmasdan yig‘ishtirib olinadi. Sovuqqa chidamsiz, ildizmevasi tuproqqa chuqur kirmaydigan ekinlarning hosili kavlanadi. Saqlash uchun maxsus omborlarda harorat 0-2°С gacha va havoning nisbiy namligi 85–95% bo‘lgan sharoitda saqlanadi. Sholg‘om, lavlagi, turp hosili yig‘ishtirilib saqlanadi.