Sharqshunoslik institutida o‘rta asrlar olimlarining aniq, tabiiy va ijtimoii fanlar bo‘yicha ishlari o‘rganiladi. Institut xodimlari o‘rta asrlarda yashab, ilm-fan bilan shug‘ullangan o‘rta osiyolik olimlarining matematika, astronomiya va fizika, tibbiyot, kimyo va geografiya, tarix, adabiyot, falsafa, shuningdek islom va dinshunoslikka oid ilmiy yodgorliklarini o‘rganadi. Qadimiy qo‘lyozmalarni saqlash va tadqiq qilish, arab yozuvidagi yozma yodgorliklar va epigrafika namunalarini tadqiq qilish, ularning asliyati hamda o‘zbek va xorijiy tillarga tarjimasini nashr qilish institut vazifalaridan etib belgilandi.