Изоляцияловчи кўчма минора билан бажариладиган ишларга керакли ташкилий-техник тадбирларни (секцияли ажратгичларда ишлашда ўчириб-ёқиш ишларини бажариш, иш жойларини тўсиш, йўриқнома олиш) бажаргандан сўнг иш бажарувчи (иш боши) рухсати билан киришиш мумкин. Минорада ишлайдиган мутахассисларнинг ҳавфсизлигини таъминловчи ташкилий тадбирлар қуйидагилардан иборат: фармойиш-ижозат бериш, фармойиш-ижозат расмийлаштирувчи масъул шахс томонидан иш бажарувчи (иш боши)га йўриқнома бериш, энергодиспетчер томонидан ишларни бажаришга рухсатнома (буйруқ, мувофиқлаштириш) олиш, иш бажарувчи (иш боши) томонидан бригада аъзоларига йўриқнома бериш ва ишга қўйиш, иш пайтида назорат қилиш, ишдаги танаффус, иш жойининг ўзгариши, иш тугашини расмийлаштириш. Бекат йўллари ва бекат оралиғида кўчма минора билан бажариладиган ишларга жуфт ва тоқ йўллар учун алоҳида фармойиш-ижозатлар расмийлаштирилади. Агар ишлар б...