Relsli izlarning tuzilishi harakatlanuvchi tarkib g‘ildirak juftlarining tuzilishi bilan chambarchars bog‘liq. G‘ildirak juftligi cheti bo‘ylab yo‘naltiruvchi bo‘rtiq chambaragi bo‘lgan g‘ildiraklar zichlab mustahkamlangan po‘lat o‘qdan iborat bo‘lib, bo‘rtiq chambaragi g‘ildirakning izdan tushib ketmasligini ta’minlaydi. Harakatlanuvchi tarkib g‘ildiraklari yumalash yuzasining o‘rta qismi 1/20 nisbatda konussimon qilib ishlangan bo‘lib, uning bunday tuzilishi gorizontal kuchlarga katta qarshilik ko‘rsatadi, yo‘lning nosozliklariga sezuvchanlikni kamaytiradi, g‘ildirak juftlarining strelkali o‘tkazgichlardan o‘tishini qiyinlashtiradigan novsimon o‘ymalar hosil bo‘lishining oldini oladi va bir tekis siyqalanishini ta’minlaydi. G‘ildiraklarga mos ravishda yo‘l relslari ham 1/20 nisbatda qiya o‘rnatiladi. Buning uchun yog‘och shpallarda rels ostiga maxsus ponasimon taglik qo‘yiladi. Temir-beton shpallarning rels o‘rnatiladigan ustki qismi esa shu qiyalikka moslab tayyorlanadi. Rels kallagining ichki qirralari orasidagi masofa temir yo‘llarda iz kengligi deyiladi. Ushbu kenglik g‘ildiraklar orasidagi masofaga (1440±3 mm), g‘ildiraklarning yo‘naltiruvchi bo‘rtiq chambaragi qalinligi (25-33mm) va g‘ildiraklarning rels bo‘ylagi to‘g‘risida ma’lumotlar mavjud.