Xristianlik, yunoncha christos – «muqaddas yogʼ surtilgan», «xaloskor» milodning I asrida Falastinda yuzaga kelgan jahon dinlaridan biri. Xristianlik izdoshlari soni bo‘yicha dunyoda birinchi o‘rinda turib, Yer yuzi aholisining qariyb 2 milliardi unga eʼtiqod qiladi. Xristianlik taʼlimoti Iso Masih shaxsi bilan bogʼliq. Xristianlik tarixiy maktab vakillari Iso Masihning real shaxs ekanligi haqida fan ishonchli maʼlumotga ega emas, deb hisoblaydilar.