Когнитив функцияларнинг зўрайиб борувчи бузилиши билан кечувчи ва йиллар ўтиб оғир деменция билан тугалланувчи нейродегенератив касаллик. Ушбу касаллик биринчи бўлиб 1906 йил немис психиатри А.Альцгеймер томонидан ёзилган. Этиологиясида генлар мутацияси 21, 14, 1ва 19-хромосомаларда аникланган. Касаллик этиологиясида аполипротеинлар синтези бузилади. Аполипротеин Е –конда холестерин ташувчи оксил булиб, у 3 хил шаклда мавжуд: Apo E2, Apo E3 ва Apo E4. Аполипротеин Е синтези учун 19-хромосомадаги ген жавобгар. Аполипротеин Е билан боглик генетик мутациялар мия тукималари ва кон томирлари бета-амилоид тупланишига сабабчи булади. Бош мия тукималари, айникса, пустлок нейронларида бета-амилоид тупланиши ушбу касаллик ривожланишининг асосий сабабчисидир. Бета-амилоид сиентези учун масъул ген 21-хромосомада жойлашган.