Elektroimpulsli ishlov berish (EIB) usuli elektrplastiklik hodisasiga asoslangan. EIB ning fizikaviy modelini ishlab chiqishga ko`p ishlar bag`ishlangan. Dislokatsion tizimga elektr tok ta`sirining mexanizmiga bag`ishlangan bir qator gipotezalar mavjud. Elektrplastiklik hodisaning miqdori tok zichligiga proportsional bo`lgani uchun, uni metal panjarasida hosil bo`lgan elektron shamol va bu shamol ta`sirida harakatlanayotgan dislokatsiyalarning tezlanishi bilan bog`lashga asoslar bor.