Entomopatogen preparatlar, bugungi kunda oʼsimlik zararkunanda hashoratlarga qarshi koʼplab mikroorganizmlar majmuasi ajratib oʼrganilgan va bular asosida mikrob biopreparatlari tayyorlashning ilmiy asosi yaratilgan. Sanoat asosida koʼplab preparatlar ishlab chiqarilmoqda va amaliyotda keng qoʼllanilmoqda. Preparatlarni tayyorlash uchun bakteriyalar, zamburugʼlar va viruslardan foydalaniladi. Ularni ishlab chiqarishda mikroorganizmlarning fiziologiyasi va biokimyoviy xususiyatlari hamda preparat nima maqsadda qoʼllanilishi eʼtiborga olinadi. Mikrob preparatlarini ishlab-chiqarishda spetsifikligi, yuqori samarali taʼsir kuchiga ega boʼlishi, ishlab chiqarish va qoʼllashning qulayligi, odam va hayvonlarga nisbatan xavfsiz boʼlishi, preparatning foydali xususiyatlarining uzoq saqlanishi, uning yaxshi namlanishi va eritmasining barqarorligi talablarga rioya etiladi.