Nur bilan qotuvchi kompozitlar fotopolimerlar deb ataladi. Ushbu kompozit ashyolar maxsus shprits yoki kapsulada gomogen pasta ko’rinishida chiqariladi. Fotopolimerlarni polimerizatsiya reaktsiyasini boshlab beruvchi modda kamforxinon xisoblanadi. Nur asosida qotuvchi ashyolar boshqa kompozit ashyolarga nisbatan bir qancha mahsus ishlatish qo’llanmasiga ega. U ashyolar qisman ish texnologiyasining buzilishiga ham sezuvchan bo’lib, bu esa keyinchalik restavratsiyalangan tishning fiziko-mexanik xususiyatlarida va tishning kosmetik ko’rinishida o’z ifodasini topadi. SHuning uchun bu ashyolar bilan ishlaganda mahsus kabinetda, maxsus apparat va asboblar sharoitida ishlagan ma’qulroq. Eng asosiy shartlardan biri-bu yog’siz kompressorga egalik qilish. Zamonaviy nur bilan qotuvchi kompozit ashyolari qavatma-qavat qo’yilganda tish bilan mustaxkam bog’liqlik hosil qiladi, bu esa karioz bo’shlikni to’lik tozalanmaganda, yoki quyilgan ashyo ustiga so’lak tushganda, bunday mustaxkamlikni amalga oshirib bo’lmaydi. Stomatologik xonaning xarorat sharoitiga xam katta e’tibor beriladi. Ba’zi kompozitlar optimal xarorat sharoitida (21dan 240S) ishlashni talab etadi. Agarda xona xarorati 210Sdan past bo’lsa, kompozit ashyosini qavatma-qavat birikish qobiliyati pasayadi.