Руҳий ёки (соматик) жисмоний оғриқ деярли ҳамма маълум касалликларнинг ривожланиши ва турли босқичларида кузатилади. Оғриқни камайтириш тиббиёт илми ва амалиётининг энг мураккаб муаммоларидан бири ҳисобланади. Ҳозирда маҳаллий анестезия соҳасида катта ютуқлар қўлга киритилган: Бугунги кунда таркиби оптимал бўлган, организм томонидан амалда салбий реакциялар келтириб чиқармайдиган ва минимал миқдорда исталган даражада самарали анестезияловчи эритмалар ишлаб чиқилган. Инъекцион анестезия ўтказишда қўлланиладиган маҳаллий оғриқизлантириш воситалари. Хусусиятлари: сувда ва физиологик муҳитларда етарлича ва тез эрувчанлик, эритмаларда барқорорлик, стерилизацияга турғунлик, минимал токсиклик, максимал терапевтик таъсирга эгалик, тўқималарга осон сингувчанлик, асаб толалари охирларида импульсларни тезда блокада қила олиш.