Mushaklar - mushak tolalaridan hosil bo'lgan va asosiy vazifasi qisqarish bo'lgan anatomic hosilalar. Mushak to'qimasi katta yoshdagi odamlar og'irligining 28-45% ini, ayollarda 28-32% ini, keksalarda 30% gacha, yangi tug'ilgan chaqaloqlarda 20-22% ini, sportchilarda esa 50% dan ko'prog'ini tighil qiladi. Mushak tolalari tuzilishiga ko'ra mushaklar silliq mushaklar va ko'ndalang-targ'il mushaklarga bo'linadi. Ko'ndalang-targ'il mushaklar esa yurak mushaklari va skelet mushaklari guruhidan hosil bo'ladi. Silliq mushaklar qon tomir devorlari, ichki a’zolar devorida (traxeya, bronx, o'pka, oshqozon-ichak sistemasi a’zolarida, siydik chiqaruv a’zolarida, jinsiy a’zolarda) uchraydi. Ko'ndalang-targ'il mushaklarga skelet mushaklari, ko'zni harakatga keltiradigan mushaklar, yumshoq tanglay mushaklari, halqum, hiqildoq, qizilo'ngachning yuqori qismi, to'g'ri ichakning tashqi qisuvchi mushaklari kiradi. Alohida tuzilishga ega bo'lgan mushak guruhini yurakning ko'ndalang-targ'il mushaklari hosil qiladi. Mushaklar biriktiruvchi to‘qima bilan o’ralgan mushak tolalaridan hosil bo'lgan.