Miqdoriy analizning vazifasi tekshirilayotgan modda yoki aralashma tarkibidagi element, funksional gruppa yoki ionlarning miqdorini aniqlashdan iborat. Miqdoriy analiz biologiya, fiziologiya, tibbiyot, agronomiya, veterinariya, oziq-ovqat mahsulotlari kimyosi, sud kimyosi, agrokimyo, dorivor moddalarning chinligini va ular tarkibidagi qo‘shimcha moddalarni aniqlash, suv va havoning tarkibini gigiyenik talablarga javob berishini aniqlash va hokazolarda keng qo‘llaniladi. Miqdoriy analizning kimyoviy, fizik-kimyoviy va fizikaviy usullari ma’lum.