Препарат № 1. Сийрак бириктирувчи тўқима. Тери ости клетчткасидан тайёрланган юпқа препарат. Ясвойн усулида бўялган. Микроскопнинг кичик ўлчамида препаратнинг юпқа, тиниқ соҳасини топиш керак, кейин препаратни катта ўлчамга ўтказиш керак. Тиниқ аморф модда фонида ҳужайралар ва толалар кўринади: коллаген толалар енгил эгилган, қалин кўринишда, эластик толалар эса ингичка ва нисбатан кўп тарқалган. Катта ўлчамда толали бириктирувчи тўқиманинг кенг тарқалган асосий ҳужайралари – фибробластлар, семиз ҳужайралар, плазмоцитлар ва макрофагларни топиш. Фибробластлар йирик ўлчамли, ўсимталарга эга бўлиши ва оч овал ядроси бўлиши билан характерланади. Макрофаглар фибробластларга нисбатан кичик ва тўқ юмалоқ ёки ботиқроқ шаклдаги ядроси билан, қорамтир пуфаклашган цитоплазмаси билан фарқланади. Бундан ташқари препаратда лейкоцитлар учраб туради, хусусан кичик зич ядроли ва тор цитоплазмали лимфоцитлар кўплаб кўринади. Семиз ҳужайралар майда қон томирлар бўйлаб жойлашади, уларни йирик ўлчамли, овал ёки юмалоқ шаклли, ҳамда донадор цитоплазмаси билан фарқлаш мумкин. Плазмоцитлар юмалоқ ёки овал шаклда, ўлчами кичикроқ, ядроси ловиясимон ёки юмалоқ ботиқроқ шаклда бўлади. Лимфоцитлардан фарқи цитоплазмасининг ҳажми каттароқ бўлиши билан ажралиб туради. Катта ўлчамда препаратни чизиш ва белгилаш: 1) коллаген толалар, 2) эластик толалар, 3) фибробласт, 4) макрофаг, 5) лимфоцит, 6) гра