O`tkir zotiljam (pnevmoniya) - o`pkaning havo almashinish (alveolalar, oraliq to`qima va qon tomirlar tizimi) qismida joylashgan O`tkir yallig`lanish jarayon. Bu yallig`lanish birlamchi va ikkilamchi bo`ladi. Birlamchi O`tkir zotiljam infektsion etiologiyali mustaqil kasallik bo`lib, ko`pincha nafas a`zolari sog`lom va zotiljam chaqiruvchi kasalliklar bo`lmagan insonda rivojlanadi. Ikkilamchi o`tkir zotiljam esa aksariyat o`pkaning surunkali kasalliklari (surunkali bronxit, pnevmoskleroz, o`pka saratoni va h.k.) jarayonida yuzaga keladi.