Йирингли артрит – бўғимни ташкил қиладиган барча элементларнинг йирингли яллиғланиши. Сабаблари йирингли синовитникидек. Патогенез. Бўғим тоғайлари ва капсуласини шикастловчи кириб борадиган жароҳатларда ва бўғим ичи микроблар билан ифлосланганда яллиғланиш бирданига шу тўқималарда бошланади. Токсин, парчаланиш ҳосилотлари ва бошқа омиллар таъсирида тоғай емирилади ва юзасида узурлар пайдо бўлади. Йиринг суяк илиги бўшлиғига кириб боради. Бўшлиқдаги ёғ тўқимаси ўзгариб, ўрнига янги бириктирувчи тўқима ўсади. Суякларнинг бўғим юзаларида яра ва суяк секвестрлари пайдо бўлади. Суяк некрози ва остеомиелит ривожланади. Периост бузилганда экзостозлар ҳосил бўлади.