Mamlakatimizda amalga oshirilayotgan iqtisodiy islohotlar, korxona va tashkilotlar faoliyatining ochiqligi va samaradorligini ta'minlashga qaratilgan qat'iy choralar ichki nazorat va audit tizimining rolini tubdan kuchaytirmoqda. Xususan, ichki audit tashkilotlarda moliyaviy va operatsion jarayonlarni nazorat qilish, xatolik va qonunbuzilishlarning oldini olish, mavjud xatarlarni aniqlash va ular ustidan nazoratni kuchaytirishning samarali vositasiga aylanmoqda. Bu jarayonda ichki audit faoliyatini to‘g‘ri rejalashtirish va tashkil etish muhim ahamiyat kasb etadi.