Kirish. Bog‘-park landshaft dizayni haqida òushuncha Istiqlol yillarida mamlakatimizning shahar va qishloqlarida ajoyib arxitektura landshaftiga ega bo‘lgan ko‘rkam binolar, inshootlar, go‘zal landshaft dizayniga ega bo‘lgan bog‘-parklar, sayilgohlar va xiyobonlar jahon andozalariga mos ravishda barpo etilmoqda. Landshaft dizayni — san’at darajasidagi ijodiy faoliyat, sun’iy muhitni shakllantirishga qaratilgan ko‘kalamzor hududlarni bezash, geoplastika, kichik arxitektura shakllari, manzarali o‘simlik dunyosi bilan atrof-muhitni bezash, vizual kommunikatsiya vositalaridan foydalanishdir. Landshaft dizaynining maqsadi — bog‘-park hududini uning arxitektura inshootlarini tabiatning jonli va jonsiz elementlari bilan uzviy bog‘lashdan iboratdir. Landshaft dizayni obyektlari — ochiq va usti yopilgan fazo- lardir. Ularga: ko‘cha va maydonlar; kichik rekreatsion (dam olish, hordiq chiqarish) joylar (xiyobon, skver, bog‘lar, yo‘lak va ko‘- chalar), turli maqsadga qaratilgan parklar; yashash joylardagi rekreatsion va xo‘jalik maydonchalari (bolalar, kattalar dam olish, sport va hokozolar); turli funksional xonalarning interyerlari kiradi. Landshaft dizayni kursi inson yashash joyini narsa va fazo muhiti haqida nazariy va amaliy bilimlarni umumlashtirib landshaft dizaynning uslub va vositalari bilan shakllantirish imkoniyatlarini o‘rganadi. Yashash joyi uchastkasining, uning atrofini, magistral fazosi dizayni bo‘yicha tavsiyalarni, rejalash va jihozlashni ishlab chiqish, landshaft dizayni haqida umumiy tushunchalar va uning vazifalari, bog‘-park san’ati tarixi va asosiy yo‘nalishlarining rivojlanishi, fa- zoviy muhitini ta’minlash masalalari bo‘yicha, insonni predmet- fazoviy muhitini shakllantirishning uslub va vositalarini talabalarga o‘rgatish — bu mazkur kursning asosiy vazifasidir.