Elementleri parallel jalg´ang´an elektr shınjırı Elementleri parallel jalǵanǵan shınjırda elementlerdiń ıqtıyarlı bir ushı ózara jalǵanıp ulıwma sım arqalı elektr batareyasınıń bir polyusqa, mısalı, minus (–)qa jalǵanadı. Elementlerdiń ekinshi ushları gilt arqalı ózara jalǵanıp ulıwmalıq sım arqalı elektr batareyasınıń ekinshi polyusı – plyus (+)qa jalǵanadı. Bunday shınjırda hár bir elementten óz aldına elektr toǵı ótkeni sebepli birde bir elementte úzilis bolsa da, basqası isley beredi. Eki lampa eki gilt hám batareyadan ibarat parallel jalǵanǵan elektr shınjır hám onıń sızılması Qaysı shınjırdag´ı lampalar kóbirek jaqtılıq shıg´aradı? Tómendegi shınjırǵa birdey lampalar izbe-iz jalǵanǵan. Elektr toǵı súwrette strelkalar menen kórsetilgen baǵıtta ótedi. Lampalar batareyadan birdey muǵdardaǵı energiyanı qabıl etedi.