1-E. Dıqqattı qaratıw (Engagement): Random:Oyınǵa kiriw ushın QR kodtı skanerleń yamasa ústin basıń. Ashılǵan betti tolıq ekran qılıń. Random arqalı ózińizge máselelerdi tańlap alıń. Avtomobil dóńgelegi 1 minutta 200 ret aylansa, onıń aylanıw jiyiligi hám dáwirin tabıń.Vertolyot pátpelegi aylanıw dáwiri 0,04 s bolsa, 40s ta neshe ret aylanadı?Vertolyot pátpelegi 30 sekundta 600 ret aylansa, onıń aylanıw dáwirin tabıń?Jerdiń óz kósheri átirapında aylanıw dáwirin tabıń?Aylanıw dáwiri menen aylanıw jiyiligi arasındaǵı qatnas formulası qanday?Eger dene waqıt ishinde ret aylanatuǵın bolsa, onda aylanıw dáwiri qalay anıqlanadı?Velosiped dóńgelegi 1 minutta 120 ret aylandı. Dóńgelektiń aylanıw jiyiligin tabıń? Aylanıw jiyiligi hám aylanıw dáwiriniń ólshem birligi qanday?1 saat neshe sekund? 2-E. Izzertlew (Exploration): Sáykesin tap: Oyınǵa kiriw ushın QR kodtı skanerleń yamasa ústin basıń. Ashılǵan betti tolıq ekran qılıń. 3-E. Túsindiriw (Explanation): Siz basketbol tobın sebetshesine jeńil ǵana ılaqtıra alasız. Usı top kólemindegi temirdi bolsa ılaqtırıw yaki ornınan qozǵaltıw da qıyın keshedi. Tınısh turǵan deneni qozǵaltıw yamasa qozǵalıp atırǵan deneni toqtatıw ushın sırttan tásir kórsetiw kerek. Sebebi hár qanday dene óziniń tınısh yamasa qozǵalıs halın saqlawǵa umtıladı. Denelerdiń tınısh yamasa qozǵalıs halın saqlaw qábiletine inertlilik delinedi. Bul qábilet hár qıylı deneler ushın túrlishe bolıp, onı ólshew ushın massa degen fizikalıq shama kiritilgen. Deneniń inertlilik qásiyetin xarakterlewshi fizikalıq shama deneniń massası delinedi. Basketbol tobına qaraǵanda usı kólemdegi temirdi ornınan qozǵaltıw qıyınlıǵınıń sebebi onıń inertliligi úlken ekenligi bolıp esaplanadı. Ámeliy tapsırma Aǵash shóp, jip, bankanıń jelim qaqpaǵı (yamasa plastik ıdıstıń tómengi bólegin qırqıp alıń)nan paydalanıp tárezi jasań. Táreziniń teń salmaqlılıq halatın kóriw ushın sım bóleginen strelka jasań. Tárezi tasları sıpatında tıyınlardan paydalanıń.