Mehanik harakat jism yoki zarrachalarning fazoda biror tezlik bilan ko’chishidan iborat.Jismning ko’chishini aniqlash uchun uning vaziyatini qandaydir boshqa jismlar yoki hech bo’lmaganda shartli ravishda qo’zg;almas deb qabul qilingan bitta jismning vaziyatiga nisbatan solishtirib ko’rish kerak.Jismning harakatini o’rganishda sanoq sistemasidan foydalaniladi.Sanoq sistemalari ixtiyoriy tanlab olinishi mumkin.Inersiya qonunining ta’rifiga ko’ra kuchlar ta’sir etayotgan jism qaysi bir kordinata sistemasiga nisbatan inersiya bo’yicha tinch holatini yoki to’g’ri chiziqli tekis harakatini saqlab qolishi haqida hech narsa aytilmagan.Astronomik kuzatishlar va hisoblashlar Quyosh bilan bog’langan kordinata sistemasi uchun inersiya qonuni to’g’ri ekanligini ko’rsatadi.Shuningdek inersiya qonuni Yerga nisbatan olingan harakatlar uchun ham taqriban o’rinlidir.