Optik analiz usullariga spektrofotometriya, fotometriyava kolorimetriyadan tashqari nefelometriya, alanga fotometriyasi, atom absorbsion analiz usuli va lyuminessent analiz kabi usullar ham kiradi. Emission spektral analiz usuli. Moddalarning emission spektrini o’rganishga asoslangan. Emission spektral analiz usulini 1859 yilda nemis olimlaridan Bunzen va Kirxgoflar yaratgan. Ular bu usulni qo’llab, seziy va rubidiy elementlarini kashf etishdi. Shundan so’ng bu usul bilan ko’pgina kimyoviy elementlar kashf etildi. Spektrofotometriya usulida tekshirilayotgan moddaga aniq to’lqin uzunlikdagi, ya’ni monoxromatik yorug’likningyutilishidan foydalaniladi. Eritmaning aniq rangini belgilashda monoxromator bilan jihozlangan spektrofotometrlardan foydalaiiladi. Elementlarni spektrofotometriya, fotokolorimetriyava kolorimetriyausullari bilan aniqlash uchun rangi o’zgarish bilan sodir bo’ladigan har qanday reaksiyadan ham foydalanib bo’lavermaydi. Reaksiya tez amalga oshadigan va oxirigacha bora oladigan, reaksiya davomida o’ta seziluvchan rang paydo bo’lishi va uning intensivligi analiz o’tkazib bo’linguncha doimiy qiymatda saqlanadigan bo’lishi zarur.