Oʻzgarmas tok— tok kuchi va yoʻnalishi vaqt oʻtishi bilan oʻzgarmaydigan elektr toki. Oʻzgarmas tok oʻzgarmas elektr yurituvchi kuch taʼsirida oʻtkazgichdan yasalgan berk zanjirda vujudga kelishi mumkin. Agar elektr zanjiri tarmoqlanmagan boʻlsa, uning hamma qismlaridan oʻtayotgan tok kuchi bir xil boʻladi. Oʻzgarmas tokning asosiy qonunlari Om qonuni va Joul — Lens qonunidan iborat. Ishtirok etayotgan qarshiliklar va elektr yurituvchi kuchlardan foydalanib, zanjir tarmoqlarining har biridan oqayotgan tok kuchi va yoʻnalishi Kirxgof qoidalari asosida hisoblanadi. Oʻzgarmas tokdan turli sanoat tarmoqlarida, mas, elektrometallurgiya, transport, aloqa, avtomatika va boshqalarlarda foydalaniladi. O‘zgarmas tok – bu vaqt o‘tishi bilan deyarli o‘zgarishsiz qoluvchi tok bo‘lib, kattaligi va yo‘nalishi o‘zgarmaydi. Tarixiy jihatdan birinchi o‘zgarmas tok manbalari faqat kimyoviy bo‘lgan. Dastlab ular faqat galvanik elementlar ko‘rinishida mavjud bo‘lgan bo‘lsa, keyinchalik akkumulyatorlar ham paydo bo‘lgan.