Qattiq materiallarni maydalash Reja: Maydalash turlariMaydalashning asosiy qonunlariMaydalash mashinalarining prinsipial sxemalariMaydalash mashinalarining tuzilishi Maydalash – mayda o’lchamli bo’lakchalar fraksiyalarini olish uchun qattiq materiallarni mexanik kuch ta’sirida yemirilishi. Ushbu jarayondan neft va gazni qayta ishlash sanoatida koksni maydalashda, maydalangan oltingugurt, katalizatorlar, tozalovchi gilmoyalar ishlab chiqarishda va boshqa maqsadlarda foydalaniladi. Moddalarning diffuziyasi bilan bog’liq bo’lgan jarayonlarning tezligi fazalarning kontakt, ya’ni o’zaro ta’sir qilish yuzasiga bog’liqdir. Kontakt yuzaning katta bo’lishi fazalarning ichidagi modda tarqalishini va bir fazadan ikkinchi fazaga modda o’tishini tezlatadi. Kontakt yuzaning ko’proq bo’lishi kimyoviy jarayonlarni ham tezlatishga sababchi bo’ladi. Ayniqsa, kimyoviy yoki diffuzion jarayonlarda qattiq faza qatnashsa, kontakt yuzani ko’paytirish alohida ahamiyatga ega. Qattiq materiallarning kontakt yuzasi tashqi kuch ta’sirida maydalash yo’li bilan erishiladi. Maydalash paytida material bo’laklarining o’lchami ancha kamayadi.