Materiallarning mexanik xususiyatlari ularning turli kuchlar tasiriga munosabatini ko‘rsatadi. Bu kuchlar turlicha bo‘lib, ular katta yoki kichik bo‘lishi, bir marta yoki ketma-ket takrorlanib ta'sir etishi mumkin. Kuchlar materiallarning bo‘yi, eni yo‘nalishida yoki ularga nisbatan ma'lum miqdordagi burchak ostida ta'sir etishi mumkin. Tikuvchilik materiallarida ko‘pincha cho‘zilish deformatsiyasi hosil bo‘ladi. Professor Kukin G.N. tasnifiga binoan materiallarning mexanik xususiyatlari uchta sinf — yarim davrli, bir davrli va ko‘p davrli xususiyatlarga bo‘linadi.