O‘zbekiston Respublikasi Yevroosiyo materigining qoq markazida joylashgan. Transport milliy iqtisodiyotning asosiy tarmoqlaridan biri. Hududning transport geografik o‘rni iqtisodiy geografik o‘rinning eng muhim jihati hisoblanadi. Transport tarmog‘i har qanday hududning o‘zlashtirilganlik va rivojlanganlik darajasini belgilaydi. O‘zbekiston Respublikasi dengiz va okean portlariga turli yo‘nalishlarda chiqish yo‘llariga ega bo‘lishi uchun Turkmaniston, Qozog‘iston, Qirg‘iziston, Rossiya, Xitoy, Ozarbayjon, Gruziya, Eron, O‘mon kabi davlatlar bilan keng ko‘lamli o‘zaro hamkorlikni yo‘lga qo‘yadi.