Turkmaniston Respublikasi (turkmancha. Türkmenistan Respublikasy) — Markaziy Osiyodagi suveren davlat bo‘lib, shimoli-g‘arbda Qozog‘iston, shimol va sharqda O‘zbekiston, janubi-sharqda Afg‘oniston, janubdan Eron, janubi-g‘arbda va g‘arbdan Kaspiy dengizi bilan chegaradosh. Ashxobod — mamlakatning poytaxti va eng yirik shahri. Turkmaniston tabiiy gaz zaxiralari bo‘yicha dunyoda to‘rtinchi o‘rinni egallaydi. Mamlakatning katta qismini Qoraqum cho‘llari qamrab olgan. Prezident Saparmurat Niyazov 2006-yilda vafotigacha umrbod boshqargan. Gurbanguli Berdimuhamedov 2007-yilda prezident etib saylangan (u ilgari vitse-prezident, keyin prezident vazifasini bajaruvchi bo‘lgan).