Kollizion norma tegishli huquqiy munosabatga nisbatan qaysi davlatning huquqini qo’llash kerakligini belgilab beruvchi normadir. Kollizion norma o’z holicha masalani oxirigacha hal qilmaydi, u tegishli qoida nazarda tutilgan qonunning moddiy normalariga havola qiladi ya’ni ko’rsatib beradi. Kolliziya- lotincha to’qnashuvchi ish degan ma’noni anglatadi, bunda aslida qonunlar kolliziyasi, ya’ni ular o’rtasida qo’llanishi zarur bo’lgan qoidani tanlash haqida gap yuritiladi. Chet el elementlari bilan murakkablashgan mulkiy va shaxsiy munosabatlarga nisbatan qo‘llanishi lozim bo'lgan huquq normalarining mohiyatini talqin qilish va ulaming qo'llanishi xususiyatlarini aniqlash katta ahamiyatga ega. Kollizion huquq, odatda, nizoli huquq yoki shaxsiy huquq va huquqiy tizimlar o’rtasida to’qnashuv paydo bo’lganda, nizoni hal qilish uchun qanday huquqiy qoidalar qo’llanishi kerakligini aniqlaydi.